Qytetarët do të mblidhen sërish në bulevardin “Dëshmorët e Kombit” këtë të mërkurë për të zhvilluar protestën e 88-të kundër kryeministrit Edi Rama dhe qeverisë së tij.
Sikurse ditët e tjera, ata do të grumbullohen fillimisht në sheshin “Skënderbej” dhe vijojnë më pas drejt Kryeministrisë, aty ku për kaq shumë ditë i janë drejtuar kryeministrit me thirrjet që të japë dorëheqjen dhe të hapë rrugën për një qeveri tranzitore.
Edhe një ditë më parë ata përsëritën kërkesat e tyre të panegociueshme kundrejt qeverisë. Qytetarët kërkojnë përveç dorëheqjes, edhe arrestimin e Ramës, të Berishës dhe Belinda Ballukut.
Gjatë protestët së djeshme, qytetarët u shprehën se popullin nuk e përfaqësojnë nje grup hajdutësh dhe të korruptuarish që drejtojnë këtë vend, por rinia dhe të gjithë shqiptarët që kërkojnë përditë largimin e tyre.
Protestuesit dje iu drejtuan sërish drejtësisë që të veprojë kundër tyre dhe të mos bëheshin palë me politikën.
Kujtojmë që protesta nisi fillimisht si një kundërshtim ndaj projektit në Zvërnec, por lëvizja mori përmasa më të gjera duke targetuar qeverinë Rama dhe kërkuar largimin e saj për shkak të korrupsionit dhe keqqeverisjes.
Discussion about this post