Demokratët Evropianë (PDE/EDP) i janë bashkuar qëndrimit të Komisioneres Evropiane për Zgjerimin, Marta Kos, duke kërkuar nga qeveria shqiptare rishikimin dhe shfuqizimin e ligjeve për zonat e mbrojtura dhe investimet strategjike.
Në një deklaratë, PDE/EDP thekson se Shqipëria duhet të përafrojë legjislacionin e saj me standardet e Bashkimit Evropian, veçanërisht sa i përket mbrojtjes së mjedisit dhe sundimit të ligjit.
“Komisionerja e BE-së, Marta Kos, e ka thënë qartë: ‘Mbrojtja e mjedisit është pjesë e kritereve të anëtarësimit në BE’”, deklarojnë Demokratët Evropianë.
Sipas tyre, Shqipëria duhet të adresojë edhe Ligjin për Investimet Strategjike, me qëllim përmbushjen e kërkesave për mbylljen e Kapitullit 27, që lidhet me mjedisin dhe ndryshimet klimatike.
“Komisionerja e BE-së, Marta Kos, e ka thënë qartë: ‘Mbrojtja e mjedisit është pjesë e kritereve të anëtarësimit në BE.’ Shqipëria duhet të përafrojë legjislacionin e saj për zonat e mbrojtura me standardet e BE-së dhe të adresojë Ligjin e Investimeve Strategjike për të mbyllur Kapitullin 27.
Evropa po e dëgjon shoqërinë civile shqiptare. Rruga e Shqipërisë drejt anëtarësimit duhet të përparojë përmes mbrojtjeve të forta mjedisore, sundimit të ligjit dhe një interesi publik të mbrojtur në mënyrë të barabartë për të gjithë.”, theksojnë ata.
Discussion about this post