Aktivisti Arben Kola, ka denoncuar nga protesta para kryeministrisë ndalimin e dy qytetarëve para selisë së Partisë Socialiste, duke akuzuar Policinë e Shtetit për veprime të padrejta.
Arben Kola: Sot dua të bëj një denoncim dhe thirrje për Policinë e Shtetit, që tashmë ka 90 ditë që është kthyer në policinë e turpit. Kam fjalën për kupolën e Policisë së Shtetit.
Sot ishte lajmëruar një tubim para PS-së, por i kishte hyrë frika dhe kishin ndryshuar vendin e takimit, dhe qeveria shkoi u mbyll te Pallati i Brigadave, te shkurret.
Dy zotërinj kishin dalë sot te sheshi. Njëri, më thanë, kishte 10 vezë, kurse tjetri kishte armë shumë të rrezikshme: dy domate zemër kau, plus vezët. U ka hyrë frika edhe prej domateve.
E pra, kjo polici është kthyer në polici qesharake. Si mund të ndalohet dikush se ka vezë dhe domate? Lironi qytetarin, në rast se nuk ka bërë krim tjetër. Kjo është e padrejtë. Në asnjë vend të Europës nuk ndodh të ndalohet një qytetar se ka vezë dhe domate.
Thirrje edhe për ministrin e Brendshëm. Ti tashmë e ke firmosur faqen tënde të tradhtisë dhe turpit, ndaj sa më parë lironi protestuesin, sepse ndryshe do të përballeni me pasojat e qytetarëve.
Discussion about this post