Kryeministri dhe njëherësh kryetari i PS, Edi Rama ka zhvilluar një takim me deputetët dhe drejtuesit e njësive organizative të PS-së në Qarkun Tiranë.
Përmes një postimi në rrjetet sociale, Rama tha se gjatë takimit u diskutua për organizimin e strukturave të partisë, metodologjinë e “Besës” dhe sistemin e ri “PasqyrAlbania”.
“Me deputetët dhe drejtuesit e tjerë të njësive organizative të Partisë Socialiste të Qarkut Tiranë, patëm sot një diskutim të dobishëm për organizimin e Pranisë Besnike metodologjinë e BESËS dhe sistemin e ri të PasqyrAlbania duke hedhur një hap të nevojshëm në përgatitjen e sezonit të ri politik të Partisë Socialiste”, shkruan Edi Rama në Facebook.
Kujtojmë që një ditë më parë, Rama mblodhi drejtuesit politikë të qarqeve dhe ministrat.
Gjatë mbledhjes së djeshme, Rama u ka kërkuar drejtuesve politikë në qarqe që të marrin një rol më aktiv në këtë proces, duke qenë më të pranishëm në zonat e tyre elektorale dhe duke forcuar komunikimin me qytetarët.
Po ashtu në mbledhjen e djeshme, Rama ka paralajmëruar edhe hartimin e ndryshimeve ligjore, në kuadër të nismës “Pasqyrë Albania”. Ai ka kërkuar që kjo nismë të trajtohet si një rregull që duhet të zbatohet nga të gjithë.
Discussion about this post