Aventura të reja të futbollistëve shqiptarë, transferimet e kuqezinjve dhe ‘Dardanëve’ gjatë merkatos së verës

Afati kalimtar i verës 2026 solli një sërë lëvizjesh të bujshme për futbollistët shqiptarë dhe kosovarë.

Një nga transferimet më të mëdha ishte rikthimi i Vedat Muriqit te Fenerbahçe, nga Mallorca, për rreth 15.5 milionë euro.

Mirlind Daku bëri gjithashtu një hap të madh, duke kaluar nga Rubin Kazani te Spartak Moska për mbi 10 milionë euro.

Pas 10 vitesh te Atalanta, kapiteni i Shqipërisë, Berat Gjimshiti, nisi aventurën në Arabinë Saudite me Al Diriyah.

Kristjan Asllani u largua nga Interi dhe u transferua në Emiratet e Bashkuara Arabe te Al Jazira, në formë huazimi.

Mario Mitaj do të vazhdojë karrierën në Serie A, ku do të mbrojë ngjyrat e Genoas.

Albion Rrahmani la Sparta Pragën për Venezia, në një transferim prej rreth 8 milionë eurosh.

Mërgim Vojvoda kaloi nga Como te Udinese, ndërsa Ylber Ramadani u transferua te Corum FK në Turqi.

Lumbardh Dellova u largua nga CSKA Sofia për një aventurë të re, ndërsa Ermal Krasniqi iu bashkua Amedspor.

Në Gjermani, Elvis Rexhbeçaj kaloi nga Augsburgu te Wolfsburgu, ndërsa Valmir Matoshi u transferua te Sturm Graz.

Nedim Bajrami iu bashkua Al Taawoun në Arabinë Saudite, në formë huazimi nga Rangers.

Bujar Pllana dhe Simon Simoni gjithashtu ndryshuan skuadra, duke kaluar te Grasshopper dhe Luzern.

Tashmë të gjithë këta lojtarë do të kërkojnë të shkëlqejnë në klubet e reja dhe të konfirmojnë vlerat e tyre.

Një sezon i ri, me shumë aventura të reja, pritet të jetë vendimtar edhe për Shqipërinë dhe Kosovën.