Një i ri ironizoi kryeministrin Edi Rama në lidhje me nismën e tij “PasqyrAlbania”, duke theksuar se pasqyra e vërtetë e tij është Belinda Balluku, ish vartësja e tij e akuzuar nga SPAK, dhe dhe persona të tjerë bashkëpunëtorë të tij.
Ai përmendi më pas ish zv kryeministrin Arben Ahmetaj, kryebashkiakun e Tiranës Erion Veliaj, ish ministrin e Shëndetësisë Ilir Beqaj dhe persona të tjerë.
“E ndoqët fjalimin e Edi Ramës, kryeministrit që na shpiku një platformë të re, pas Shqipëria që Duam, deputeti, Diella. Tani shpiku Besën, Pasqyrën, për t’u treguar shqiptarëve se ai ka ndryshuar pas 14 vitesh, se do të na dëgjojë, madje kërcënoi edhe të tijët, po pse nuk ka ndodhur kjo përgjatë 14 viteve.
Ku ka qenë besa e Ramës për 14 vite, po pasqyra e tij? E kam një pasqyrë për kryeministrin, ajo pasqyrë quhet Belinda Balluku. E akuzuar për mbi 500 milionë euro dëm dhe vjedhje të buxhetit të shtetit dhe që rri sërbes në këshillin e ministrave duke dhënë mend, bërë projekte dhe dhënë tendera.
Një pasqyrë tjetër, ish zv kryeministër Arben Ahmetaj që ndodhet në Zvicër. Hajdutë i pareve të tërmetit dhe shumë pareve të tjera. Ilir Beqaj, shoku i tij që gjoja nuk vidhte. Që vodhi jo vetëm paret tona por edhe të BE. Saimir Tahiri. Erion Veliaj. Alqi Bllako, Lefter Koka se shokët të gjithë i ka në burg, Kjo është pasqyra e Edi Ramës, që kemi parë për 14 vite”, tha ai.
Discussion about this post