Real Madrid-Inter është superdueli në nisje të sezonit të ri të Champions League. Sonte ngre siparin kompeticioni më i lavdishëm për klube, teksa në orën 21:00 ‘galaktikët’ e Jose Mourinhos përballen me kampionët e Seria A.
Për ‘special 1’ ky është një takim me të kaluarën, pasi emri i Mourinho-s lidhet me historinë e zikaltërve. Para duelit portugezi ka mohuar te ketë hatër mbetje me Christian Chivu-n, ndërsa ka vlerësuar jashtëzakonisht Interin, por ka shtuar se ‘është i habitur se si kjo skuadër nuk e ka fituar Champions League vitet e fundit’.
Sakaq trajneri i Interit Criatian Chivu thotë se ‘Jose Mourinho është një person i veçantë për të’ dhe se ‘skuadra ka detyrim të ngrihet në lartësinë e emrit të Interit’.
Për supersfidën foli edhe kapiteni i zikaltërve Lautaro Martinez i cili u shpreh se ‘Champions League është një objektiv për Interin, por jo fiksim’.
“Champions League është një ëndërr dhe një objektiv i qartë, jo një obsesion. Është një kompeticion shumë i madh, por te një klub gjigant si Interi, duhet të kemi gjithmonë mentalitetin e duhur, duam të sjellim trofe në shtëpi”, u shpreh Lautaro.
Ai gjithushtu u pyet edhe për përbllejn kundër madrilenëve, duke u shprehur: “Real Madridi është një ekip i madh, me shumë vlera dhe lojtarë të një niveli shumë të lartë. Ata kanë afruar lojtarë të mirë dhe e kanë forcuar mbrojtjen me cilësi, por edhe ne kemi armët tona për të përballuar nivelin e tyre”.
Zikaltërit sonte do të jenë pa shërbimet e Dimarco-s dhe Djed Spence, ndërsa te Real Madrid ka mungesa të theksuara të mesfushë. Mourinho nuk ka në dispozicion Camavinga-n, Arda Guler, Bernardo Silva-n, Rodrygo-n, Eder Militao-n dhe Raul Asensio-n.
Ndeshje interesante në orën 21:00 janë Dortmund-Villareal në Gjermani, Lille-Betis në Francë dhe sidomos Porto ndaj Manchester City-t në Portugali.
Mbrëmja do të nisë që në orën 18:45 kur AEK-u i shqiptarëve do të presë në Greqi LASK-un e Austrisë. Stavro Pilo pritet të jetë titullarë në këtë duel, ndërsa në dyshime është portieri Thomas Strakosha. Ky i fundit vuan nga një dëmtim dhe është në pikëpyetje për këtë përballje. Sfida tjetër e orës 18:45 është mes Club Brugge dhe Aston Villa-s. Java e parë e Champions League, ndryshe nga 7 javët e tjera, luhet në 3 ditë. Nga e marta në të enjte.
Discussion about this post