Ditën e sotme, Policia Kufitare e Kosovës, konkretisht stacioni policor për mbikëqyrje të kufirit në Vërmicë, në zonën e përgjegjësisë në një breg kanë gjetur një sasi të konsiderueshme të substancës së dyshuar narkotike të fshehur nën gurë.
Nga njoftimet mësohet se, lidhur me rastin janë njoftuar njësia e antidrogës në Prizren të cilët së bashku me njësinë e Forensikës rajonale kanë shkuar në lokacion.
Nga ana tjetër, bëhet me dije se sasia e substancës së dyshuar si marihuanë ishte fshehur nën gurë nga persona të panjohur shumë kohë më parë dhe pas matjes rezulton se ishin njëmbëdhjetë pakitime plastike me ngjyrë të zezë me substancë të dyshuar, narkotikë të llojit marihuanë me peshë 6 kg e 268 gram.
Për rastin është informuar prokurori për krime të rënda në Prizren, si dhe për veprimet e ndërmarra policore, ndërsa hetime të tjera janë në proces nga antidroga në Prizren.
Discussion about this post