Vendi ynë do të karakterizohet ditën e sotme nga mot relativisht i paqëndrueshëm, me vranësira dhe intervale kthjellimesh. Sipas parashikimit meteorologjik, reshjet e shiut do të jenë të herëpashershme, afatshkurtra dhe me intensitet të ulët.
Reshjet pritet të shfaqen nga orët e mesditës deri në pasdite, kryesisht në zonat malore të Shqipërisë së mesme dhe në jug-juglindje. Pas orëve të pasdites, reshjet do të ndërpriten.
Gjatë orëve të mëngjesit deri në mesditë, në zonat luginore parashikohet gjithashtu mjegull e dendur lokale dhe mjegullinë.
Era do të fryjë nga drejtimi juglindje-lindje, me shpejtësi mesatare rreth 7 m/s. Përgjatë vijës bregdetare dhe në zonat luginore, herë pas here, shpejtësia e erës mund të arrijë deri në 14 m/s.
Ndërkohë, në det parashikohet valëzim i forcës 2-3 ballë.
Discussion about this post