Shqipëria e vajzave do të zbresë sonte në mbrëmje në fushë përballë Uellsit për aktin e dytë të “play off” të Kupës së Botës 2027. Sfida e cila do të luhet në “Parc-Y-Scarlets” do të nisë prej orës 20:15.
Humbja e marrë në “Loro Boriçi” minimalisht 0-1, e ka ndërlikuar disi misionin për kualifikimin e vajzave kuqezi në arenën e madhe botërore. Megjithatë, fakti që “llogaritë” janë ende të hapura, duke marrë për bazë edhe rezultatin, vajzat e Armir Grimës kanë të drejtë të ëndërrojnë për një përmbysje historike në transfertë.
Sot do të luhet gjithçka për gjithçka dhe vajzat kuqezi janë gati të bëjnë një “sforco” të fundit për të kapur objektivin madhor që do të shënonte një kthesë të rëndësishme në futbollin e vajzave.
Discussion about this post