Deputeti i PD Belind Këlliçi ka reaguar me atë që ndodhi pranë Ministrisë së Arsimit, ku gjatë tensioneve në protestën e studentëve, një i ri u dhunua nga policia gjatë shoqërimit.
Këlliçi shkruan se zvarritja dhe gjakosja e këtij të riu është e papranueshme dhe një akt lufte që Rama i ka shpallur të rinjve.
Reagimi i Belind Këlliçit:
Dhuna shtazarake e policisë ndaj studentëve protestues është e papranueshme dhe një akt lufte që Edi Rama u ka shpallur qytetarëve!
Tërheqja zvarrë, goditja, gjakosja e të rinjve dhe atyre që janë ngritur kundër hajdutërisë qeveritare, është e vetmja ofertë që ka sot Kryeministri më i korruptuar në Europë!
Sa më shumë refuzon të dëgjojë qytetarët e të tregojë forcë, aq më shumë shtohet pakenaqësia dhe revolta.
Për të mbajtur karrigen e tij, Edi Rama po shkakton konflikt social. Por asgjë nuk e shpëton nga fuqia e njerëzve të lirë, nga populli që është në këmbë.
Discussion about this post