Agjencia ndërkombëtare e lajmeve, “Reuters” i ka kushtuar një raport protestës së studentëve në Tiranë, duke vënë në fokus përplasjet me policinë, kërkesat për përmirësimin e arsimit dhe shqetësimet për mundësitë e punësimit pas diplomimit.
Artikulli i plotë i “Reuters”:
Studentët protestues hodhën tulla dhe blloqe betoni drejt Ministrisë së Arsimit në Tiranë të martën, ndërsa policia u kundërpërgjigj me gaz lotsjellës dhe ujë, pasi një demonstratë mbarëkombëtare për arsimin dhe çështjet sociale degjeneroi në dhunë.
Policia shoqëroi disa protestues.
Organizatorët studentorë thanë se protesta kishte në fokus kushtet në universitete, kostot e arsimit të lartë, mbështetjen financiare dhe mundësitë e punësimit pas diplomimit.
Disa protestues të tjerë thanë se dëshironin të shprehnin pakënaqësinë e tyre për pabarazinë dhe qeverinë.
“Ajo që i duhet Shqipërisë është një revolucion, një ndryshim, një përmbysje e plotë e sistemit, sepse nuk mund të vazhdohet më kështu”, tha protestuesja Luljeta Kola, duke shtuar se në vend ka një padrejtësi të thellë sociale dhe një hendek të madh mes të pasurve dhe të varfërve.
Demonstrata zhvillohet në një kohë kur në Evropë po shënohet një valë më e gjerë aktivizmi studentor. Në Francë, nxënësit e shkollave të mesme kanë organizuar prej javësh protesta dhe bllokime të shkollave, duke kërkuar më shumë mësues dhe kushte më të mira. Ata argumentojnë se përkeqësimi i gjendjes së godinave shkollore dhe mbipopullimi i klasave po dëmtojnë arsimin.
Zëvendëskryeministrja e Shqipërisë, Albana Koçiu, shkroi në Facebook:
“Dhuna nuk ka qenë, nuk është dhe nuk do të jetë kurrë zgjidhje. Hedhja e gurëve, sulmet ndaj institucioneve dhe Policisë së Shtetit, si dhe shkatërrimi i pakuptimtë i pronës publike, nuk janë mënyra se si të rinjtë duhet të shprehin pakënaqësitë e tyre”.
gijotina.com/
Discussion about this post