Paralajmërohet sërish protestë nesër, në orën 14:00 te Ministria e Arsimit

Kryeqyteti ka përjetuar sot një ditë mjaft të nxehtë proteste, e cila ka zgjatur për më shumë se 8 orë rresht në rrugët kryesore të Tiranës.

Mbyllja e ditës së sotme të revoltës është shoqëruar me një bilanc të rëndë: përleshje të ashpra fizike mes protestuesve dhe forcave të policisë, përdorim i autobotëve të ujit, dhunë e ushtruar në terren, dhjetëra protestues të lënduar si dhe dhjetëra të tjerë të shoqëruar në komisariatet e kryeqytetit.

Pavarësisht tensioneve dhe ndërhyrjeve të forcave të rendit protestuesit nuk i kanë ndalur thirrjet e tyre.