Ish-ministrja e Mbrojtjes, Olta Xhaçka, merret zyrtarisht nën hetim nga Prokuroria e Posaçme (SPAK) për dyshime për korrupsion dhe pastrim parash, në kuadër të hetimeve ku është përfshirë edhe bashkëshorti i saj, biznesmeni Artan Gaçi.
Kujtojmë se Xhaçka u paraqit në SPAK më datë 14 tetor, ndërsa nuk dha asnjë sqarim për mediat. Në po të njëjtën ditë, në SPAK u thirr dhe bashkëshorti i saj, Artan Gaçi.
Dy prokurorët e çështjes Ols Dado dhe Altin Dumani kanë arritur të gjejnë prova për Xhaçkën dhe bashkëshortin Gaçi për 2 vepra penale. Bëhet fjalë për një dosje e ardhur nga letër porosia nga vendet e BE-së.
Xhaçka dhe burri i saj, akuzohen si të përfshirë në vepra të korrupsionit, në raport me persona të tretë, dhe më pas përmes kompanive të Artan Gaçit dyshohet se është bërë pastrim parash. Gaçi, mban statusin e investitorit strategjik. Ai po ndërton përmes kompanive të tij një resort luksoz, mbi një pronë ku rezulton se i janë falsifikuar dokumente. Xhaçka pas ministres së Mbrojtjes, ka mbajtur dhe postin e ministres së Jashtme, aktualisht deputete e PS. Në kuadër të këtij veprimi, janë bërë një sërë veprimesh, që nga marrja e llogarive bankare apo dokumenteve dhe veprimeve me të tretët. Mbetet për t’u parë qëndrimi i prokurorëve, nëse do të ketë një kërkesë për autorizim drejtuar Kuvendit të Shqipërisë apo do të hetohet në gjendje të lirë. Kjo është një çështje kryesore që kanë në duar prokurorët e SPAK për pastrim parash.
Discussion about this post