Pas largimit nga ambientet e Ministrisë së Arsimit nga forcat e policisë, protestuesit kanë vijuar marshimin drejt Rrugës së Elbasanit në Tiranë, ku janë ndalur përpara Gjykatës së Apelit.
Situata është tensionuar kur një grup protestuesish ka nisur të hedhë gurë në drejtim të fasadës së gjykatës, përpara se të zhvendosej drejt hyrjes kryesore të institucionit.
Më pas, protestuesit kanë ushtruar forcë mbi derën e hekurt të godinës, duke arritur ta shkatërrojnë atë dhe të futen në ambientet e brendshme të Gjykatës së Apelit.
Një grup protestuesish i kanë thyer sportelin ku vendosen njoftimet e gjykatës si edhe dedektorët që përdoren në hyrje të goditës, për personat që hyjnë në gjykatë.
Më pas dolën prej aty duke iu drejtuar Ministrisë së Jashtme.
Protesta e studentëve në Tiranë është shoqëruar me tensione pranë Ministrisë së Jashtme.
Discussion about this post