Deputetja e Partisë së Lirisë, Erisa Xhixho, ka denoncuar terrorin policor gjatë protestës kundër qeverisë së Edi Ramës, duke akuzuar civilë të lidhur me regjimin për rrëmbimin dhe dhunimin e të rinjve e minorenëve.
Në reagimin e saj në rrjetet sociale, Xhixho i krahason komisariatet e Tiranës me burgjet e diktaturës së Pinoçetit në Kili dhe deklaron se “shteti u është dorëzuar banditëve”.
Ajo u bën thirrje prindërve dhe qytetarëve të tregojnë vigjilencë për sigurinë e të rinjve dhe të denoncojnë çdo rast dhune.
Postimi i plotë:
Komisariatet e Tiranës janë shndërruar në burgje si ato të Pinoçetit në Kili, që rrëmbente e zhdukte njerëzit e vendit të vet.
Ka një terror policor, ku po rrëmbehen minorenë, po rrëmbehen e po dhunohen të rinj nga civilë që i shërbejnë regjimit.
Nëse të shoqëruarit në komisariate i shohim, imagjinoni çfarë ndodh në bulevardet dhe rrugicat e Tiranës, ku dhuna është bërë normë.
Situata është krejtësisht kaotike. Sigurinë e qytetit e kanë marrë në dorë civilët, banditët pa uniforma, që kanë terrorizuar qytetarët dhe po bëjnë që asnjë familje të mos ndihet e sigurt.
Shteti u është dorëzuar banditëve.
Ndaj u bëj thirrje prindërve, por edhe çdo qytetari në rrugët e Tiranës:
Të vigjilojmë në maksimum për fëmijët, adoleshentët apo të rinjtë dhe të denoncojmë menjëherë edhe problemin më të vogël. Të mos humbim asnjë minutë kohë për të shpëtuar fëmijët tanë.
Discussion about this post