Situata është tensionuar sërish para Kryeministrisë, ku protestuesit janë përplasur dhe shtyrë me efektivët e policisë. Këtë të fundit po tentonin ti largonin nga zona.
Gjatë përplasjeve, ndaj protestuesve është përdorur spraj me piper dhe gaz lotsjellës. Kjo me qëllim për të shpërndarë turmën dhe për të larguar qytetarët nga godina e Kryeministrisë. Nga ana tjetër, policia ka nisur edhe shoqërimet e protestuesve, teksa situata vijon të jetë e tensionuar.
Për të zmbrapsur turmën e konsoliduar, policia përdori mjetet me ujë me presion si dhe sasi të mëdha gazi lotsjellës.
Pavarësisht spërkatjeve me ujë dhe lëndëve kimike, një grup vajzash refuzoi të largohej duke qëndruar direkt përballë kordonit policor. Ngjarja degradoi në përplasje të drejtpërdrejta fizike me efektivët e repartit “Shqiponja”, ndërsa nga turma u dëgjuan thirrje të njëpasnjëshme drejtuar forcave të rendit: “Mos i qëllo vajzat!”.
gijotina.com/
Discussion about this post