Kryetari i Partisë Demokratike, Sali Berisha ka dënuar sulmin ndaj gazetarit Klevin Muka, duke e cilësuar një akt kriminal dhe një atentat ndaj lirisë së medias.
Përmes një reagimi në rrjetet sociale, Berisha e ka cilësuar sulmin si një akt hakmarrjeje primitive, duke akuzuar policinë si “narko-banditët e Padrinos” për përdorimin e lëndëve djegëse ndaj gazetarit.
“Dënoj me forcën më të madhe këtë krim të shëmtuar, atentat ndaj lirisë së mediave!”, shkruan Berisha në reagimin e tij.
Reagimi i plotë:
Akt kriminal i shëmtuar i narko-banditëve të Padrinos ndaj gazetarit Klevin Muka, të sulmuar për hakmarrje primitive me lëndë djegëse! Dënoj me forcën më të madhe këtë krim të shëmtuar, atentat ndaj lirisë së mediave!
Discussion about this post