Ish-deputeti i PD, Ervin Salianji, komentoi protestën studentore, por edhe dhunën e ushtruar nga policia ndaj të rinjve.
Në një komunikim për News24 nga Bulevardi Dëshmorët e Kombit, Salianji tha se Rama është turpi i Shqipërisë, ndërsa theksoi se skenat e dhunës tregojnë se regjimi është në grahmat e fundit.
Ai tha se largimi i Edi Ramës do të ndodhë shumë shpejt, duke e akuzuar atë se për 14 vjet ka qeverisur në bazë të vullnetit të tij.
“Ky është turpi i Shqipërisë dhe është i pa legjitimuar, populli është në shesh dhe ky rri në zyrë. Këta e kanë vjedhur dhe varfëruar Shqipërinë dhe nuk mund ta pranojnë me qytetarët. Këto skenat e dhunës tregojnë se ky regjim është në gramat e fundit dhe largimi është i shpejtë.
Pse nuk del ky kur janë protestuesit dhe ti kërkojë dialog, por del në mëngjes kur nuk ka njeri. Ça dialogu kërkon Rama ku prej 14 vitesh ka djegur cdo mundësi për të qeverisur Shqipërinë, ka 14 vjet që qeverisë në bazë të vullnetit të tij dhe jo të vullnetit të qytetarëve”, tha ish-deputeti i PD.
Sipas Salianjit, “turpi tjetër është që Rama si vrasës me pagesë paguan 2500 euro për policët për të dhunuar qytetarët”.
“Rama ka vendosur dy anë të shoqërisë përballë, policët që janë të varfër, por edhe populli. Të dy janë varfëruar për shkak të Ramës, sepse ku kërkon të qëndrojë në qeveri”, tha ai.
Po ashtu ish-deputeti komentoi edhe protestën e Sali Berishës të zhvilluar sot, duke deklaruar se “ajo e dëmton protestën studentore”.
Discussion about this post