Ministria e Turizmit dhe Mjedisit ka përgatitur draftin lidhur me përdorimin e qeseve plastike. Drafti po prezantohet nga Ministria e Turizmit dhe Mjedisit në Komisionin e Veprimtarisë Prodhuese.
Sipas këtij drafti, qeveria shqiptare parashikon heqjen e përdorimit të këtyre materialeve që nga qershori i këtij viti. Gjithashtu, këshilli i ministrave ka parashikuar gjoba për ata që importojnë dhe përdorin qeset plastike.
Përdoruesit e qeseve plastike do gjobiten me 30-100 mijë lekë, ndërsa bizneset që importojnë qese plastike do të penalizohen me 1-1.5 milionë lekë gjoba.
Deputeti i opozitës, Agron Duka kundërshtoi gjobitjen për qytetarët që përdorin qese plastike, pasi tha se shumë qytetarë nuk e kanë idenë se për sa kohë mund të dekompozohet një e tillë, dhe kërkoi që këto penalizime të rishikohen.
Discussion about this post