Të kuqtë marrin tri pikë të rëndësishme në transfertë, ndërsa durrsakët zhgënjejnë sërish në Kategorinë Superiore.
Partizani rikthehet te fitorja, duke mposhtur Teutën në stadiumin “Niko Dovana”, në ndeshjen e vlefshme për javën e 10-të të Kategorinë Superiore.
Pas një pjese të parë pa gola, sfida u zhbllokua në minutën e 59-të, kur Atanaskoski realizoi një gol spektakolar, duke kaluar të kuqtë në avantazh.
Teuta u përpoq të reagonte dhe kërkoi me ngulm barazimin, por portieri Qirko u përgjigj me pritje vendimtare, duke i mohuar golin skuadrës durrsake. Edhe Daci pati një mundësi të mirë në minutën e 75-të, por vendasit nuk arritën të ndryshonin rezultatin.
Kjo fitore merr një rëndësi të veçantë për Partizanin, që kërkon të dalë nga kriza e rezultateve, ndërsa Teuta pëson një tjetër goditje pas humbjes ndaj Egnatias në javën e kaluar.
gijotina.com/
Discussion about this post