Misioni monitorues i organizatës italiane Emergency ka kërkuar mbylljen e qendrave të emigrantëve në Shqipëri, duke ngritur shqetësime për kushtet e mbajtjes dhe trajtimin e personave të ndaluar në Gjadër.
Sipas mediave italiane, gjatë një misioni monitorues të organizuar nga Tabela e Azilit dhe Imigracionit (TAI), koordinatori i Programit Mjekësor të Emergency, Emanuele Longo, ka treguar për dëshmi shqetësuese nga një emigrant me origjinë nga Senegali, i cili kishte qëndruar në qendrën e Gjadrit.
Ai ka pretenduar se medikamentet psikotrope, të përdorura për trajtimin e problemeve të shëndetit mendor, administrohen shpesh në mënyrë të papërshtatshme. Sipas dëshmisë së emigrantit, këto medikamente u jepen rreth dy në çdo tre persona që mbahen në qendër.
Longo ka kundërshtuar gjithashtu mbajtjen në izolim të personave vetëm për shkak të mungesës së një leje të vlefshme qëndrimi, duke paralajmëruar se kushtet në këto struktura mund të dëmtojnë shëndetin fizik dhe mendor të emigrantëve.
“Burri na tregoi se në qendrën e Gjadrit medikamentet psikotrope përdoren shumë shpesh në mënyrë të papërshtatshme. Sipas vlerësimit të tij, ato merren nga dy në çdo tre persona që mbahen aty. Ai na shpjegoi gjithashtu se kishte mbërritur në Itali përmes bashkimit familjar, kishte ndjekur disa vite shkollë dhe e kishte konvertuar lejen e qëndrimit në një leje për arsye punësimi. Më pas humbi vendin e punës dhe bashkë me të edhe lejen e qëndrimit, duke përfunduar në rrjetin e Qendrave të Qëndrimit për Riatdhesim (CPR).
Fakti që nuk ka leje qëndrimi të vlefshme nuk mund të justifikojë ndalimin administrativ dhe izolimin e këtyre njerëzve, sidomos në këto kushte patogjene, që shkatërrojnë shëndetin fizik dhe mendor. Tre vjet pas nënshkrimit të Protokollit.”, tha Longo.
Tre vite pas nënshkrimit të marrëveshjes mes Italisë dhe Shqipërisë për menaxhimin e emigrantëve, Emergency dhe TAI kanë ripërsëritur kërkesën për mbylljen e qendrave dhe braktisjen e këtij modeli, të cilin e konsiderojnë me kosto të lartë njerëzore, sociale dhe demokratik.
gijotina.com/
Discussion about this post