Një aksident i rendë është regjistruar në aksin nacional Berat-Urë Vajgurore, në fshatin Orizaj.
Mjeti tip Benz, me targa AA 987 YJ,duke dalë nga një servis makinash është përplasur me mjetin tip Seat me targa TR 8536 M, që i përkiste një kompanie security. Si pasojë e përplasjes së mjeteve janë plagosur dy pasagjerët Sose Toska e Sali Toska, që ndodheshin duke udhëtuar në mjetin tip Benz, ndërkohë që dy drejtuesit e mjeteve: Xhavair Atia dhe Gentjan Boçka nuk kanë pësuar lëndime.
Të plagosurit Sali e Sose Toska janë transportuar me ambulancë drejt Spitalit Rajonal Berat, ku ndodhen në kujdesin e mjekëve, pasi kanë marrë plagë dhe shembje në të gjithë trupin.
Në vendngjarje kanë shkuar forca të shumta të policisë rrugore, që pasi kanë kqyrur vendin e ngjarjes kanë dalë në konkluzionin paraprak se, shkak për aksidentin është bërë dalja e gabuar e mjetit tip Benz në rrugën nacionale, por edhe shpejtësia jashtë normave të lejuara me të cilën po udhëtonte mjeti tip Seat në aksin nacional Berat-Urë Vajgurore.
