Është arrestuar një ditë pas krimit të rëndë autori i dyshuar i vrasjes makabre të një 19-vjeçari me thikë në Greqi. Mediat vendase bëjnë me dije se vrasësi i dyshuar është një 23-vjeçar shqiptar me banim në Selanik me leje qëndrimi të përkohshme në Greqi.
Ndër të tjera, mësohet se shqiptari është pronar i njërës prej dy makinave në të cilat hipën autorët e ngjarjes së përgjakshme. 23-vjeçari është sjellë në Komisariatin e Selanikut mbrëmjen e djeshme, ndaj të cilit pritet që t’i komunikohet dhe masa e sigurisë.
Arrestimi i vrasësit të dyshuar të Alkis Kampanos, një akt tmerri që ka tronditur të gjithë Greqinë, ndodhi në një kohë kur familja e 19-vjeçarit fatkeq po i jep lamtumirën e fundit studentit.
Ndërkohë, ministri i Mbrojtjes Civile, Takis Theodorikakos, në një postim në rrjetet sociale bën me dije se ka kontaktuar me kryeministrin Kyriakos Mitsotakis, i cili e ka njoftuar se autori i vrasjes brutale është arrestuar pranë stadiumit Charilaou në Aris të Selanikut.
Discussion about this post