Gjatë një kontrolli blic, policia ka vendosur në pranga një shtetas të shpallur në kërkim ndërkombëtar për veprën penale “Prodhimi dhe shitja e narkotikëve”. Specialistët për Hetimin e Krimeve në Komisariatin e Policisë Tropojë bënë kapjen dhe arrestimin provizor të shtetasit P. Ç., 33 vjeç, banues në fshatin Shoshan, Tropojë.
Arrestimi i tij u bë me qëllim ekstradimi drejt Kosovës, pasi Gjykata Themelore Gjakovë, Kosovë, me vendimin e datës 06.04.2021, i ka caktuar masën e sigurimit personal “Arrest në burg”, për veprën penale “Prodhimi dhe shitja e narkotikëve”.
Në bashkëpunim me autoritetet ligjzbatuese kosovare, vijon puna për ekstradimin e këtij shtetasi drejt Kosovës.
Discussion about this post