Strukturat drejtuese të Partisë Demokratike në Shkodër kanë propozuar emrin e Xhemal Bushatin si kandidat për kryetar bashkie.
Burime brenda PD, bëjnë me dije se propozimi do të kalojë për miratim Kryesisë qendrore në Tiranë. Sipas afateve të vendosura nga Kryesia e PD, baza e partisë dhe strukturat drejtuese të Degëve në 6 bashkitë, do të propozojnë kandidatët.
Kandidatët e propozuara nga baza do i nënshtrohen më pas shqyrtimit dhe miratimit nga Kryesia e PDSH.
Në Shkodër, koalicioni “Shtëpia e Lirisë” do të garojë me Bardh Spahinë, i zgjedhur nga primaret e organizuara nga Komisioni i Rithemelimit të PD-së, që u zhvilluan më 30 janar.
Ndërsa Partia Socialiste garon me ish-prefekten e Shkodrës, Majlinda Angoni.
Discussion about this post