Gjykata e Tiranës shpalli të paligjshëm arrestimin e bërë nga policia dhe urdhëroi lirimin e menjëhershëm të 15 vjeçarit Jongert L.
I mituri prej të shtunës qëndroi i paraburgosur në Bllokun e Sigurisë “Mine Peza” dhe këtë të mërkurë doli para gjykatës ku prokuroria kërkoi të vlerësohet i ligjshëm arrestimi dhe ti vendoset masa detyrim paraqitje, kërkesa që rrëzuan nga gjyqtarja Yrfet Shkreli.
Si të mos mjaftonte arrestimi i mituri është gjobitur edhe me 5 milion lekë të vjetra në bazë të aktit normativ kundër bllokimit të rrugëve.
Në fletën e gjobës, adoleshenti, ka shkruar se të dy prindërit i ka invalid me babain të verbër dhe nënën me probleme të theksuara shëndetësore.
Sipas të atit që foli para disa ditësh për situatën e të birit, ky i fundit është me mësues-ndihmës dhe nuk kupton gjobat që vendosen.
Familja e tij deklaroi ai, merr 140 mijë lekë në muaj, që nuk u dalin as për qiranë e banesës.








Discussion about this post