Partia Demokratike ka prezantuar kandidatin për kryetar Bashkie në Lushnje. Mësohet se bëhet fjalë për Indrit Sefën, i cili do të përfaqësojë PD-në në zgjedhjet e pjesshme të 6 marsit. Indrit Sefa aktualisht mban postin e sekretarit për marrëdhëniet ligjore dhe zgjedhore në Partinë Demokratike.
Ndërkohë, Indrit Sefa do të ketë kundërshtare Eriselda Sefen si kandidate për Lushnjën nga Partia Socialiste. Nuk dihet nëse dy kandidatët kanë lidhje gjaku me njëri-tjetrin, por kjo do të jetë një garë interesante mes dy personave me të njëjtin mbiemër.
Gjithashtu ditën e sotme Partia Demokratike ka zyrtarizuar edhe kandidatin për kryetar bashkie të Shkodrës, ku strukturat drejtuese të PD-së në Shkodër propozuan Xhemal Bushatin për të kandiduar ne zgjedhjet e pjesshme vendore. Kujtojmë se ditën e djeshme PD ka zgjedhur Ferdinand Saraçin si kandidat për bashkinë e Rrogozhinës dhe Luan Hotin për bashkinë e Durrësit.
Ende nuk janë caktuar kandidatët për Dibrën dhe Vorën.
Discussion about this post