N’Golo Kante është rikthyer më i fortë pas problemeve fizike dhe arriti të bëhet lideri i Chelseas dhe të drejtojë ekipin drejt fitimit të Champions League për herë të dytë në histori. Në finale ai u shpall lojtari më i mirë i ndeshjes.
Në lidhje me mesfushorin e Francës ka folur shoku i tij te Chelsea, Cesar Azpilicueta. Spanjolli shprehet se për momentin Kante është mesfushori më i mirë në botë.
“Askush nuk është më i mirë se Kante në rolin e tij. Ai bën gjithçka, na jep intensitet, nuk e di sa topa rimori në finale. Dhe pastaj mënyra se si ai e çon topin përpara… N’Golo është një lojtar që mbulon një pjesë të madhe të fushës.
Është e veçantë ta kesh në skuadër dhe na kishte marrë malli shumë kur ai ishte i dëmtuar dhe nuk mund të luante. Jam shumë i lumtur për të. Pas disa vitesh ai u bë udhërrëfyes i kësaj skuadre”, u shpreh Azpilicueta.
