Vllaznia ka marrë një fitore shumë të rëndësishme në javën e kampionatit, duke mposhtur Partizanin me rezultatin minimal 1-0 në stadiumin “Air Albania”.
Shkodranët kanë arritur të marrin tri pikë të arta në transfertë, në një përballje ku vendasit patën më shumë raste dhe dominuan në lojë.
Partizani e nisi ndeshjen me synimin për të marrë fitoren, duke krijuar disa mundësi të mira shënimi, por pa arritur të gjente rrugën e rrjetës.
Nga ana tjetër, Vllaznia u tregua më efikase dhe shfrytëzoi mundësinë e saj më të mirë në pjesën e dytë.
Një penallti u kthye në momentin vendimtar të takimit, duke i dhënë skuadrës shkodrane golin që vendosi fatin e ndeshjes.
Pas kalimit në disavantazh, Partizani u hodh i gjithi në sulm, duke kërkuar me ngulm golin e barazimit.
Situata u bë edhe më e vështirë për vendasit pas kartonit të kuq të Obinës, por pavarësisht kësaj, të kuqtë vijuan të kërkonin golin.
Partizani krijoi një mori rastesh, por mungesa e konkretizimit bëri që skuadra të largohej pa asnjë pikë.
Për Vllazninë, kjo fitore merr një rëndësi të veçantë, pasi i jep skuadrës mundësinë të largohet përkohësisht nga presioni i zonës së ftohtë.
Ndërkohë, situata te Partizani bëhet gjithnjë e më shqetësuese.









Discussion about this post