Deputeti, Ervin Salianji, ka folur për vonesën e Partisë Demokratike në nxjerrjen e kandidatëve për zgjedhjet e 6 Marsit. Ai tha se ka dhjetëra kandidatura dhe duhet dakordësi në kryesitë e degëve për të zgjedhur kandidatin më të mirë, që më pas t’i propozohen njësisë qendrore të partisë për të marrë vendimin.
Salianji gjithashtu tha se me kandidatët e PS-së nuk ia vlen të merresh, pasi sipas tij janë pupacë.
“PD e ka vonesën në proces për shkak se ka dhjetëra kandidatura dhe duhet dakordësi në kryesitë e degëve për të zgjedhur kandidatin më të mirë, që më pas t’i propozohen njësisë qendrore të partisë për të marrë vendimin. PS as nuk vlen të merresh, se ata nuk kanë kandidatë, ata kanë njerëz të cilët ju kanë dhënë gjithçka në zona influence dhe këta kanë zgjedhur pupacët e tyre. Nuk kanë kandidatë ata, ata kanë pupacë, nuk bëjnë as procese asgjë. Cili është njeriu që i shërben më shumë atyre dhe i kanë ndarë në zona influence” – u shpreh Salianji.
Discussion about this post