Pas suksesit të madh të mbrëmjes së parë, Festivali i 72-të i Këngës Italiane vazhdon sonte me të ftuar prestigjioz dhe trembëdhjetë artistë që konkurrojnë.
Prezantuesi Amadeus ka bërë të ditur se ka edhe një homazh për Monica Vitti, e cila u nda nga jeta sot. Lajmi i dhënë në sallën e shtypit të ngritur në Kazino, shkaktoi emocion dhe duartrokitje të madhe nga gazetarët, si drejtuesi i Festivalit, Amadeus, dhe drejtori i Rai1, Stefano Coletta.
Në këtë festival do të marrë pjesë dhe ish banorja e “Big Brother Vip”, Antonela Berisha, lajm të cilin e ka konfirmuar vetë ajo.
“Kumbara e javës do të jetë ylli ndërkombëtar Antonela Berisha, prezantuesja shqiptare pjesëmarrëse në edicionin e fundit të Big Brother VIP e cila është zhvendosur në Itali që prej vitit 2010 dhe më pas është kthyer në atdhe në vitin 2019 pas diplomimit për të drejtuar programe të suksesshme dhe për t’u bërë ikonë mode dhe në rrjete sociale. Tashmë shoëgirl-ja bukuroshe është gati të magjepsë edhe audiencën televizive italiane, duke nisur nga të ftuarit e Sanremo 2022”, thuhet në shkrimin që ajo ka postuar në Instastory.
Ditën e sotme ajo ishte e ftuar virtualisht në “Ftesë në 5” me Bieta Sulon, ku tregoi se është e angazhuar me aktivitetet e paradites para spektaklit, kryesisht në intervista me “vip-at”.
“Jam mësuar në TV shqiptar, këtu është ndryshe. Ndihesh shumë se di të them, kënaqësi e madhe, rashë direkt në sy me këto veshjet, kishin mbet me gojë hapur. Nuk e kisha imagjinuar që do arrija deri këtu jam shumë e lumtur, se kjo gjë sigurisht është edhe falë Top Channel”, tha Antonela
Discussion about this post