Jeta e Georgina Rodriguez ndryshoi rrënjësisht në momentin që bukuroshja u njoh me yllin portugez, Cristiano Ronaldo. Madje këtë e ka thënë dhe vet modelja në dokumentarin e jetës së saj ku është shprehur se ka shkuar me tren për të takuar Ronaldon dhe është kthyer me “Bugatti”.
Kjo temë është diskutuar në emisionin “Goca dhe Gra”, ku Dalina Buzi bëri një krahasim mes lidhjes së Georginës dhe Ronaldos me lidhjen e Armina Mevlanit me Shkëlzen Berishën, djalin e ish-kryeministrit Sali Berisha.
Dalina e pyeti Arminën se përse vazhdon të punojë kur e ka jetën të siguruar, ndërsa blogerja u përgjigj se punon për ambicie personale, pasi “burri sot është dhe nesër nuk është”. Ajo tregoi se Shkëlzenin e kishte pëlqyer që herën e parë që e kishte parë, ndërsa tha se ai e ka mbështetur gjithmonë.
“Njerëzit gjykojnë nga jashtë pa e ditur ekonominë. Përsa i përket lidhjes time, gjithmonë ka patur tendencë të gjykohej. Diferenca e moshës , pozicioni, e të tjerë. Jam njeriu që nuk do e kisha nisur një lidhje nëse nuk do e doja. Që në momentin që e kam parë Shkëlzenin diku, e kam pëlqyer. Kaloi shumë kohë nga momenti që e kam parë, dhe nuk e dija kush ishte. E pyeta shoqen dhe më tha “ku e di unë, po fliste anglisht, do jetë i huaj. Unë kam punuar nga mëngjesi në darkë. Unë jam mësuar me punën, kam punuar në televizion përpara se të njihesha ,me Shkëlzenin. Unë kam punuar për ambicie personale, burri sot është, nesër nuk është. Unë nga Shkëlzeni kam patur mbështetje, por kryesisht ka qenë shtysa që më ka dhënë.”, tha Armina Mevlani.
Discussion about this post