Një banesë në Vlorë është përfshirë nga flakët pak minuta më parë. Burime policore bëjnë me dije se ngjarja ka ndodhur rreth orës 14:30 në fshatin Velçë, Selenicë, ku është djegur plotësisht banesa e personit të identifikuar me iniciale Nj. H. ,ku si pasojë ka vetëm dëme materiale.
Paraprakisht dyshohet se zjarri ka rënë si pasojë e një shkëndije elektrike. Në vendngjarje ndodhen forcat zjarrfikëse të cilat po punojnë për fikjen e zjarrit.
Vijon puna nga grupi hetimor për zbardhjen e rrethanave të ngjarjes dhe përcaktimin e shkakut të rënies së zjarrit.
Ky është rast i dytë i zjarreve të raportuara nëpër banesa, ku vetëm pak minuta më parë u shënua një viktimë në Shkodër. Bëhet fjalë për 79- vjeçarin Musa Pajati i cili ndërroi jetë si pasojë e asfiksisë, ndërsa nuk mundi të dilte nga banesa për shkak se ishte i paralizuar. Bashkëshortja e tij është transportuar në spital dhe nuk dihet ende gjendja e saj shëndetësore.
Discussion about this post