Një ngjarje e çuditshme dhe njëkohësisht e rëndë ka ndodhur në qytetin e Pogradecit ditën e sotme. Dy të rinj të moshave 23 dhe 22 vjeç kanë thyer xhamat e dhjetëra makinave dhe disa bizneseve me mjete të forta dhe shkelma. Bëhet me dije se dy personat me iniale A. Xh., 23 vjeç dhe L. I., 22 vjeç, teksa këta dy të fundit gjatë mbrëmjes së datës 1 shkurt, në gjendje të dehur kanë dëmtuar me shkelma pasqyrat e 42 mjeteve të parkuara në rrugë dhe xhamat e vetratave dhe një pajisje në katër subjekte private.
Policia ka mundur të vërë në pranga pak orë më vonë dy autorët e ngjarjes, ndërsa po merren në pyetje për të zbardhur arsyet që u cuan ata të ndërmerrnin këtë veprim, i cili përfundoi me dëme të mëdha material.
Discussion about this post