Në konferencën e sotme Rama u pyet nga gazetarët nëse u surprizua për vendimin me 3 vite burg që u dha për Saimir Tahirin. Kryeministri tha se nuk ka dëshirë të komentojë këtë pjesë, për shkak se asnjëherë nuk komenton vendimit e gjykatave. Ai u shpreh se e di që ka bërë gjënë e duhur me reformën në drejtësi dhe tashmë këto gjëra ua lë në dorë gjykatave me besimin më të lartë.
“Unë nuk komentoj asnjëherë vendimet e Gjykatave, e kam ditur mirë se cfarë kam bërë kur udhëhoqa reformën e drejtësisë, 100 herë të kthehesha pas 100 herë do të kisha bërë njësoj”, tha Rama. Dje GJKKO vendosi 3 vjet e 4 muaj burg për ish-ministrin e brendshëm, i cili e quajti të padrejtë këtë vendim.
Discussion about this post