Lëvizja Socialiste për Integrim ka reaguar sot ndaj akuzave të Bashës për koalicinonin e saj me Berishën, për zgjedhjet e 6 marist. Përmes një deklarate publike LSI shprehet se nuk ka asnjë rol në luftën e brendshme brenda PD mes Bashës, të cilin e quan deputet dhe liderit historik demokrat Sali Berisha. Kjo forcë politike i kujton kryedemokratit Basha se e ka ndihmuar të zgjidhet kryetar bashkie në vitin 2011 dhe si ministër në koalicionin PD-LSI në legjislaturën 2009-2013. Madje, LSI shton se nëse Basha do të mbante fjalën me ta dhe demokratët, ai sot do të ishte kryeministër i Shqipërisë.
“LSI distancohet dhe nuk ka asnjë rol në luftën e brendshme që deputeti Basha ka nisur ndaj liderit historik të PD si dhe ndaj deputetëve, drejtuesve e anëtarëve të PD, që kanë votuar shkarkimin e tij. Luftra të tilla përçarëse brenda opozitës, i shërbejnë vetëm Ramës.
Deputeti Basha nuk është opozitar i vërtetë, dhe nuk ka asnjë lidhje me opozitarët e vërtetë, brenda apo jashtë Partisë Demokratike. LSI e ka bërë kryetar bashkie në 2011 deputetin Basha, e më parë Ministër në qeverisjen e suksesshme PD-LSI 2009-2013.LSI i ofroi bashkëpunim pakushte deputetit Basha në opozitën 2017-2021. Nëse ai do t’i qëndronte fjalës me LSI dhe demokratët e protestave më madhështore që ka njohur Shqipëria, sot ai do të ishte kryeministër”, thuhet në deklaratë.
Lidhur me zgjedhjet e pjesshme lokale të 6 marsit, ku LSI ka krijuar koalicion me Komisionin e Rithemelimit të PD, të quajtur “Shtëpia e Lirisë”, partia e opozitës tregon se kandidatët e këtij koalicioni janë të dalë nga Komisioni i Rithemelimit dhe do të kenë mbështetjen e plotë të partive të tjera të aleancës. “Por, deputetit Basha nuk i intereson largimi i Ramës. Sot interesi i vetëm i tij është të ketë një vulë, që përmes saj të vazhdojë ashtu siç ka bërë para dhe gjatë 25 Prillit, të firmosë marrëveshje financiare me Kryeministrin Rama.
“LSI do të vazhdojë të paraqitet para shqiptarëve si një opozitë e vërtetë. Për të gjithë ata qytetarë, të majtë, të qendrës, demokratë apo pa parti, që shohin se si lidershipi i tyre ka tradhëtuar kauzat kombëtare për të pasuruar veten dhe bashkëpunëtoret pranë tyre.
Në zgjedhjet e 6 Marsit, LSI dhe PDK i ka mundësuar anën formale kandidatëve të Komisionit të Rithemelimit të PD, për tu regjistruar”, deklaron LSI.
Në fund, LSI e mbyll qëndrimin e saj se njësoj si në zgjedhejt parlamentare të 25 prillit 2021, ku fitoi Partia Socialiste, një votë për Bashën, është një votë për Ramën Kryeministër që mban me bukë Bashën në opozit
Discussion about this post