Rritja e papritur e çmimit të naftës do të ndikojë direkt edhe te çmimet e produkteve të tjera. Të paktën kështu shprehen ekspertët e ekonomisë për zinxhirin në sektorët e tjerë të ekonomisë. Këtë vendim ata e lidhin me zhvillimet gjeopolitike të jashtme, por dhe faktorët e brendshëm, siç është akciza e naftës.
“Zhvillimet në tregun ndërkombëtar janë ndikua mjaft edhe nga zhvillimet gjeopolitike dhe mendoj që në këtë rast kanë qenë zhvillimet e pritshme që po ndodhin në konfliktet shumë të acaruara. Faktorët e brendshëm kanë luajtur një rol shumë të madh. Nga ky vit, akciza që aplikohet mbi naftën do të indeksohet me inflacionin. Inflacioni i muajit Dhjetor rezultoi me 3.7%, çka do të thotë që barra fiskale do të ndihet akoma më fort”. Sipas ekspertit Selami Xhepa, ndërhyrja dhe rishikimi i taksave do të ishte i duhuri për të mbajtur nën kontroll çmimet, nënvizojnë specialistët e ekonomisë.
“Nafta dhe energjia janë komponentë themelorë në prodhimin e çdo produkti, pavarësisht nga sektori. Rritja e kostove të prodhimit të këtij produkti do shkaktojë një efekt zinxhir në sektorët e ekonomisë, e për këtë arsye duhet të behët një rishikim i taksave”, është shprehur ai.
Discussion about this post