U falsifikuan të dhënat për dy pacientë të vdekur, policia kontroll te Infektivi

Pas dyshimeve të ngritura, policia e Kosovës ka nisur kontrollet në spitalin Infektiv.  Qendra Klinike Universitare e Kosovës ka bërë me dije se dyshohet që është bërë ndërrimi i dy trupave të vdekur në morg.

Nga QKUK-ja kanë thënë se menaxhmenti i klinikës është njoftuar në lidhje me mundësinë e përzierjes së dokumentacionit mjekësor të pacientëve që kanë përfunduar me vdekje në këtë klinikë.

Tutje në sqarim thuhet se menaxhmenti i Klinikës Infektive bashkë me organet kompetente, Policinë e Kosovës kanë ndërmarrë veprimet e nevojshme lidhur me këtë rast.