U dorëzua për vrasjen e tifozit, i riu shqiptar u kalon autoriteteve greke

I riu shqiptar Roxhers Demirazi pas gati 7 orësh qëndrimi në Komisariatin e Korçës është dërguar në pikën doganore të Kapshticës pasi ka shprehur vullnetin për t’u vënë në dispozicion të drejtësisë greke. Demirazi ka kaluar doganën shqiptare dhe më pas iu është dorëzuar autoriteteve greke.

I riu shqiptar, Roxhers Demirazi, ishte shpallur në kërkim ndërkombëtar, ndërsa me një mesazh nga arratia ai kërkoi që të dorëzohej.

Lajmi u konfirmua nga avokatja greke, e cili tha se kishte kontaktuar me të që të dorëzohej. Sipas avokates, Anthoula Anasoglou, ka kontaktuar me një avokat dhe ka shprehur dëshirën për t’u dorëzuar për rastin e vrasjes së Alkis Kampanos.

“Dje pasdite mora një telefonatë nga një koleg dhe shqiptari i përfshirë në këtë rast. Më thanë se ndodhet në Shqipëri do të dorëzohet sot ose nesër”, tha Anasoglou.

Kujtojmë se ngjarja e rëndë ka ndodhur afër stadiumit të skuadrës “Aris” në Selanik, ku shqiptari vrau 19-vjeçarin Alqis Kambanu. Mësohet se ai është tifoz i një skuadre PAOK nga Selaniku dhe madje fanatik, siç dëshmojnë edhe fotot që ka postuar në profilin e tij në rrjetet sociale.