Dy gola të Diogo Jota i kanë siguruar Liverpulit një fitore shumë të rëndësishme ndaj Leisterit, pasi ka mbajtur hapin e Mancester Siti në garën për titullin kampion në këtë edicion në Angli.
Me Salah e Mane larg për shkak të Kupës së Afrikës, ka qenë pikërisht portugezi ai që ka tërhequr ekipin me lojën e tij dhe e tregoi edhe sot, teksa gjeti rrugën e rrjetës nga një herë në secilën pjesë loje, për të zgjidhur një sfidë të komplikuar.
Ndërkaq, në duelin tjetër të luajtur sot, Arsenali mundi me shifrat 1-0 Ullvërhempton në transfertë, duke vazhduar të jetë i ngjitur me vendin e katërt në renditjen e kampionatit, që është objektvi i këtij sezoni për skuadrën e drejtuar nga Arteta.
Liverpul-Leister 2-0
34’, 87’ Jota
Ullvërhempton-Arsenal 0-1
25’ Gabriel
Discussion about this post