Ish-deputeti socialist Namik Dokle ka ironizuar situatën politike në vend, ndërsa e ka krahasuar atë me lojën që zhvillohet në spektaklin e famshëm, Big Brother Albania VIP.
Përmes një statusi në “Facebook”, Dokle ka sjellë me humor për ndjekësit e tij, ‘flirtet’ e ditës brenda shtëpisë së politikës si dhe finalen e madhe mes Bashës dhe Berishës.
Një politikan i ditës takoi njërin nga “bigbradhërsat” që sapo kishte dalë nga loja, pa arritur dot në finale…
-Po ç’bëhet në atë “shtëpinë” tuaj?- u gërrduf politikani,- Një herë me Ilirin, pastaj kundër Ilirit; një herë me Donaldin, pastaj kundër!
Bigbradhërsi qeshi dhe pastaj ia ngjeshi:
-Euuu, kush po na flet!!! A nuk jeni ju politikanët një herë me Ilirin, pastaj kundër Ilirit, një herë me Berishën pastaj kundër tij, një herë me Lulin, pastaj kundër Lulit, një herë me Edin, pastaj kundër…?! Nga “loja ” jonë nuk vuan askush, nga e juaja të gjithë!
Dokle është shkëputur nga politika aktive, por herë pas here, ai thumbon politikanët me ironi dhe sarkazëm nëpërmjet penës së tij.
Discussion about this post