“Gjakrat” mes Einxhel Shkirës dhe Donald Veshajt duket se janë qetësuar. Aktori dhe moderatorja po qëndronin së bashku me banorët e tjerë të BBV në oborr, dhe teksa Einxhel Shkira po haste vështirësi me heqjen e bluzës për shkak të krahut të thyer gjatë lojës në shtëpinë e Big Brother Vip, Donaldi e ka ndihmuar.
Fillimisht i ka shkuar në ndihmë modelja Beniada dhe më pas aktori Donaldi. Të dy e ndihmuan të hiqte bluzën, në mënyrë që prezantuesja të rrinte më rehat. Duket se dyshja ka bërë ‘paqe’ me njëri-tjetrin dhe kanë hedhur pas krahëve mosmarrëveshjet mes tyre.
Einxhel akuzoi Donaldin se e hoqi padrejtësisht nga puna dhe nuk i dha rrogën kur e punësoi në emisionin e tij “Binjakët”. Ndërsa aktori humorit iu drejtua duke thënë “di shumë gjëra për ty”, por nuk donte t’i tregonte për të mos i prishur imazhin.
Discussion about this post