Nëna e Alkis Kampanos, 19-vjeçarit grek i cili u vra barbarisht disa ditë më parë foli sot për humbjen e madhe që po përjeton dhe mbështetjen që merr. Duke folur për Alpha, Melina bëri të qartë se nuk dëshiron asnjë komunikim me vrasësit e fëmijës së saj dhe se po ia dorëzon fjalën drejtësisë greke.
Në veçanti, duke iu referuar informacioneve që duan që pala e të akuzuarve të përpiqet të kontaktojë familjen, ajo tha: “Për shkak se do të fillojë një lojë komunikimi me palën tjetër, dua të përçoj një mesazh: anën e kundërt. Nuk dua të futem në asnjë polemikë, të shkëmbejmë fjalë, mesazhe, ndonjë lëvizje të tillë. Respektoni humbjen e Alkisit, vajtoj për fëmijën tim” , theksoi ajo dhe shtoi se do dorëzojë përgjegjësit para drejtësisë.
Dhjetë persona janë arrestuar për vrasjen e të riut grek. Ndërkohë, me shumë interes pritet edhe dëshmia të hënën e 20-vjeçarit shqiptar, Roxhers Demirazi, i cili pretendoi se nuk ka mbajtur asnjë send dhe nuk ka goditur askënd, por ka ndjekur vetëm disa persona.
Nga ana tjetër, avokati i tij, Paraskevas Spyratos, ka bërë të ditur duke folur për Mega se klienti i tij e ka parë “kush e ka përdorur kosën, do t’i emërojë dhe do të ketë qëndrim konsekuent”. Demirazi u vetëdorëzua në policinë e Korçës dhe më pas u transferua tek autoritetet greke.
Discussion about this post