Është mbyllur në barazim sfida mes Napolit dhe Interit. Zikaltërit ishin të impenjuar në transfertën e ndaj Napolit që vlen shumë në garën për titull me duelin që u mbyll në barazim 1-1. Ajo çka u vu re ishte forma e miqve ku ekipi i Inzaghit nuk tregoi shkëlqimin e përhershëm të këtij sezoni e ndoshta dhe lodhja fizike duket se ka ndikuar shumë.
Gjithsesi ne pjesën e parë ishte një Napoli superior në fushë dhe në minutën e 7’ pas një ndërhyrje aspak të zgjuar të De Vrij ndaj Osimhen, Insigne kalon në avantazh vendasit. Napoli vijoi të sulmonte në pjesën e pare teksa Interi ishte në vështirësi por në fraksionin e dytë me të rinisur ndeshja, Dzeko me eksperiencë vendos barazpeshën në 47’.
Sfida bëhet interesante me zikaltërit që shtojnë presionin e në fund gjithsesi nuk kishte gola të tjerë duke mbyllur në një barazim 1-1 duelin e kryesuesve. Ky rezultat i shkon për shtat Milanit që me një fitore ndaj Sampdorias do të marrë kryesimin i vetëm.
Discussion about this post