Ndërtuesit, akuza ndaj Veliajt: Nuk na jep leje, nëse nuk kemi pakt me inceneratorin

Detaje të tjera të rënda kanë zbardhur dëshmitarët sot në Komisionin Hetimor për Inceneratorët.  Luigj Aleksi, kryetar i shoqatës së ndërtuesve denoncoi ka hedhur akuza të forta ndaj Bashkisë Tiranë, duke thënë se ajo i detyron ata si ndërtues të bëjnë marrëveshje me inceneratorin, duke theksuar se ky është kusht nëse ata duan të marrin lejen e ndërtimit. Ai sqaroi më tutje se, ata duhet të kenë marrëveshje me inceneratorin në Sharrë për depozitimin e dherave.

“Në katalogun e mbetjeve, ky aneks, parashikon që kjo direktivë Europiane përcakton masat. Në lidhje me menaxhimin e dheut si mbetje, nuk parashikon asnjë detyrim për ta depozituar në landfill apo për ta trajtuar atë. Përjashtohet nga fushë veprimi toka e pa kontaminuar dhe materiale të tjera. Ky është fakti, kjo është esenca. Në një kohë, që ne çdo metër kub dhe që çojmë në landfill detyrohemi ta paguajmë si mbetje, dhe t’i japim pronarit të landfillit edhe një taksë.

Taksa varion dhe miratohet me vendim të këshillit bashkiak. Luhatet nga 350 lekë për ton, ndërkohë që ky dhe është lëndë e parë për landfillin, ai e pasuron dhe jo e helmon. Që në 2018 që doli ky problem i kërkuam bashkisë takim, kemi marrë një përgjigje që bënin të paditurin dhe nuk na kanë treguar, na thanë jemi si ju klientë, ndërkohë ata miratojnë çmimin na detyrojnë të shkojmë të bëjmë marrëveshje me landfillin. Në 2018 i kemi shkuar edhe ministrisë së Turizmit dhe Gjiknurit dhe Sonila Qatos për sipërmarrjen dhe kjo nuk është korrigjuar”, u shpreh Aleksi.

Pjesë nga biseda:

Jorida Tabaku: Si ju detyron ju bashkia të shkoni te koncesionari?

Luigj Aleksi: Nuk jep lejen e ndërtimit pa kryer marrëveshjen me inceneratorin.

Jorida Tabaku: Bashkia ju bën presion?

Luigj Aleksi: Thotë do të bëni marrëveshjen me inceneratorin se do të paguani taksën. Nuk kemi asnjë akt zyrtar.

Ndërtuesit i kanë kërkuar bashkisë 4 vende depozitimi. Pastaj pse duhet ti pagua taksë sikur është mbetje? Nuk është mbetje. Përse koncesionari duhet të përfitojë padrejtësisht para nga një mall kur nuk është mbetje, por mall. Këtë konstatojmë ne. Ky shërbim i bashkisë që detyron ndërtuesit. Ndërtimet nuk janë vetëm private. Ne ndërtojmë edhe për publikun. Çfarë ndodh me fondet? Nuk i merr ndërtuesi. Do ti paguajë buxheti i shtetit