Deputeti demokrat Ervin Salianji, akuzoi kryeministrin Edi Rama se po i fshihet përballjes për aferën e inceneratorëve, pasi ka munguar në tre seanca plenare.
Salianji deklaroi pas daljes nga Kuvendi se Rama po mbrohet nga ministra që nuk kanë asnjë identitet politik, apo nga ish-kolegë, që pretendojnë se janë në opozitë, duke nënkuptuar me këtë ish-kryeministrin Sali Berisha.
“Më shumë se 430 milionë euro të grabitura nga xhepat e familjeve shqiptare. Edi Rama ka tre seanca që i fshihet dhe zhduket për shkak të aferës korruptive dhe ministrat mbrohen për fat të keq nga ish kolegë që pretendojnë se janë në opozitë. Fokusi duhet të jetë në zbardhjen e kësaj afere që është e mbrojtur nga Edi Rama dhe grupi parlamentar i PS. Janë të përfshirë më shumë se 4 ministra pothuajse gjithë struktura e qeverisë është e përfshirë në këtë aferë korruptive dhe këto para u përdorën për tu blerë zgjedhjet dhe për të joshur persona të caktuara. Do të kishim një situatë tjetër të gjendjes ekonomike, me këto para. Nuk do të kishim këtë tmerr me rritjen e çmimit të karburanteve, të energjisë. Do të kishim para për të mos i zhvatur më tej bizneset”, tha Salianji.
Discussion about this post