Ish-ministri i Drejtësisë Ylli Manjani ka komentuar vendimin e Gjykatës së Tiranës për të pezulluar zgjedhjet në FSHF me urdhër të Erion Veliajt.
Përmes një postimi në Facebook, Manjani akuzon gjyqtarët se nuk kanë guxim të gjykojnë policinë e bashkinë kur abuzojnë me detyrën, apo të regjistrojnë formalisht atë që ka ndodhur në PD, por gjejnë kohë për tu marrë me zgjedhjet në FSHF pasi kështu e do partia.
“Gjykatat nuk kanë gjyqtarë dhe për pasojë as mundësi të gjykojnë shpejt. Nuk kanë as këllqe të pezullojnë policinë e bashkinë në rrëmbimin e pronave private të njerëzve. Pra nuk kanë këllqe të gjykojnë as drejt. Nuk kanë këllqe të regjistrojnë formalisht atë që ka ndodhur në PD. Pra as të kryejnë veprime formale regjistrimi që lidhen me demokracinë në vend. Nuk kanë as kohë e as këllqe. Ama gjetën kohë, gjyqtar e këllqe të pezullojnë zgjedhjet në FSHF, sepse kështu do pushteti. FSHF është tema e ditës. Duhet rrëmbyer me çdo kusht, siç rrëmbyen pronat e njerëzve. Gjykata i jep një dorë të mirë pushtetit. Dukshëm çdo partia bën gjykata!!!! Drejtësi e pavarur, apo jo Yuri?”, shkruan Manjani.
Pas kësaj tentativë të dështuar të gjykatës fshihet padyshim Erion Veliaj, i cili ka dalë hapur duke lobuar kundër Armand Dukës për të nënshtruar futbollin në këmbët e tij. Por e vërteta qëndron se një vendim mase sigurimi, nuk ka asnjë efekt nëse nuk merr formën e prerë. Një vendim të tillë e merr Gjykata e Apelit, ku FSHF duhet ta ankimojë brenda pesë ditësh. Pra e gjitha mbetet një lojë mediatike e kryebashkiakut Veliaj për të krijuar opinionin publik se ka fituar ndaj FSHF, kur në të vërtetë nuk ka fituar asgjë.
Discussion about this post