Ilir Shaqiri u shpall fitues i “Big Brother VIP”, mirëpo a është kjo një fitore e merituar? Përkrahja për të ka qenë shumë e madhe nga publiku i cili disa herë e ka përzgjedhur si lider të shtëpisë, kurse mbrëmjen e djeshme i dhanë dhe çmimin e madh. Por ishte publiku apo Lori Hoxha që e zgjodhi fituesin e këtij edicioni të parë të BBV.
Kujtojmë që Iliri është komentuar gjatë për njohjen e tij me producenten, Lori Hoxha, njohje kjo e lindur që nga programi i kërcimit, ku Lori ishte balerinë dhe Iliri i ka dhënë çmimin si fituese.
Madje, në një intervistë para disa kohësh, reperi i njohur Stresi u shpreh se kjo njohje do të ndikojë në fitoren e spektaklit.
“Duke parë që Iliri ja ka dhënë ‘Dancing with the stars’ dikur çmimin e parë Lori Hoxhës dhe mendoj që do jetë diçka që do ta shohi më me hatër në kuptimin e fjalës”, ka thënë ndër të tjera reperi.
Kjo deklaratë e Stresit është bërë virale në rrjetet sociale. Madje, shumë persona e kanë marrë edhe si të mirëqenë.
Discussion about this post