Ditën e sotme banorët e Laprakës dhe Paskuqanit kanë shkuar të protestojnë para ARRSH, për të kërkuar informacion për shtëpitë e tyre që rrezikojnë të shemben nga projekti i “Unazës”. Një nga banorët i ka kërkuar përfaqësuesit të ARRSH t’iu japë informacion dhe një zgjidhje, sepse familjet e tyre po hidhen në mes të katër rrugëve. Ata shprehen se punimet vazhdojnë dhe po iu afrohen shtëpive të tyre, duke shtuar rrezikun që mund të shemben nga momenti në moment.
“Të shpëtojnë njerëzit, të shkojë e drejta në vend. Me na thonë shkoni në shtëpi me qira. Ju duhet t’ia përcjellin shqetësimin tonë eprorëve tuaj. Të jepet një zgjidhje. Puna ka filluar dhe ata po i afrohen banesave që do të shemben. Ne erdhëm këtu të marrim informacion”, tha një banor.
Ndërkohë, punonjësi i ARRSH tha se ai mund të shpjegojë vetëm për banesat që kanë një certifikatë pronësi, duke garantuar se ato nuk do të preken pa u bërë marrëveshja, ndërsa për të tjerët ARRSH nuk ka target.
Biseda:
Punonjësi: Për objektet që janë të pa legalizuara, nuk janë në tagrin tim si përgjegjës sektori.
Banori: Ju do të zbatoni ligjin e shpronësimeve të vitit 99
Punonjësi: Nuk është më, janë bërë përmirësime në ligj. Parashikohen trajtime dhe aktmarrëveshje me pronarët. Ju si qytetarë duhet të keni informacion, nuk duhet të thoni. Unë ja përgjegjësi i shpronësimeve,
Banori: Me aq informacion që kemi ne preken shumë banesa, u thanë shifRa të ndryshëm. Ne i bazohemi institucioneve shtetërore, mund të jenë mbi 2- banesa që preken.
Discussion about this post